O‘zbekiston Respublikasi Prezidentining 2017-yil 16-fevraldagi “Oliy o‘quv yurtidan keyingi ta’lim tizimini takomillashtirish chora-tadbirlari to‘g‘risida”gi PF-4958-sonli Farmoni hamda O‘zbekiston Respublikasi Vazirlar Mahkamasining 2017-yil 22-maydagi “Oliy o‘quv yurtidan keyingi ta’lim tizimini yanada takomillashtirish chora-tadbirlari to‘g‘risida”gi 304-sonli qarori, shuningdek Oliy va o‘rta maxsus ta’lim vazirligining 5/1 va 8/2-sonli Hay’at qarorlari asosida universitetda oliy ta’limdan keyingi ta’lim institutlari faoliyati yo‘lga qo‘yilgan. Hozirgi kunda universitetda 28 ta yo‘nalishda tayanch doktorantura (PhD) va 7 ta yo‘nalishda doktorantura (DSc) faoliyat yuritmoqda.
Universitetda fan va texnikaning ustuvor yo‘nalishlari bo‘yicha oliy malakali ilmiy va ilmiy-pedagog kadrlar tayyorlashga alohida e’tibor qaratilgan. Shu maqsadda fakultet va kafedralarning istiqbolli rejalari ishlab chiqilgan hamda izchil amalga oshirilmoqda.
Bugungi kunda universitetda quyidagi ixtisosliklar bo‘yicha doktorantura va tayanch doktorantura faoliyat ko‘rsatmoqda:
01.01.01 – Matematik analiz;
01.01.02 – Differensial tenglamalar va matematik fizika;
01.01.03 – Hisoblash matematikasi va diskret matematika;
02.00.01 – Noorganik kimyo;
03.00.05 – Botanika;
03.00.07 – O‘simliklar fiziologiyasi va biokimyosi;
03.00.12 – Biotexnologiya;
03.00.13 – Tuproqshunoslik;
05.01.04 – Hisoblash mashinalari, majmualari va kompyuter tarmoqlarining matematik va dasturiy ta’minoti;
05.01.07 – Matematik modellashtirish. Sonli usullar va dasturlar majmui;
05.05.04 – Sanoat issiqlik energetikasi;
05.05.05 – Issiqlik texnikasining nazariy asoslari;
06.01.03 – Agrotuproqshunoslik va agrofizika;
07.00.01 – O‘zbekiston tarixi;
07.00.07 – Tarixshunoslik, manbashunoslik va tarixiy tadqiqot usullari;
08.00.04 – Qishloq xo‘jaligi iqtisodiyoti;
08.00.05 – Xizmat ko‘rsatish tarmoqlari;
08.00.13 – Menejment;
09.00.03 – Falsafa tarixi;
09.00.04 – Ijtimoiy falsafa;
10.00.01 – O‘zbek tili;
10.00.02 – O‘zbek adabiyoti;
10.00.04 – Yevropa, Amerika va Avstraliya xalqlari tili va adabiyoti;
10.00.06 – Qiyosiy adabiyotshunoslik, chog‘ishtirma tilshunoslik va tarjimashunoslik;
10.00.08 – Folklorshunoslik;
13.00.01 – Pedagogika nazariyasi. Pedagogik ta’limotlar tarixi;
13.00.02 – Ta’lim va tarbiya nazariyasi va metodikasi (sohalar bo‘yicha);
13.00.04 – Jismoniy madaniyat va sport mashg‘ulotlari nazariyasi va metodikasi;
19.00.05 – Ijtimoiy psixologiya. Etnopsixologiya;
19.00.06 – Yosh va pedagogik psixologiya. Rivojlanish psixologiyasi.
